ئىنتىرنىت تېخنىكىسىنىڭ راۋاجلىنىشىغا ئەگىشىپ ، تور بىزنىڭ كۈندىلىك تورمۇشىمىزغا سىڭىپ كىرىشكە باشلىدى ، شۇنداقلا تور بىزنىڭ  كۈندىلىك  تۇرمۇشىمىزغا نۇرغۇن قولايلىقلارنى ئېلىپ كەلدى . توردا سودا قىلىش ، مال سېتىۋېلىش ئەنئەنىۋى سودىدىكى رايون چەكلىمىسىنى بۇزۇپ تاشلاپ ، نۇرغۇنلىغان كىشىلەرنىڭ قىزغىن ئالقىشىغا ، ياقتۇرىشىغا سازاۋەر بولدى . تاۋباۋ تورىدىلا مال سېتىۋېلىشقا تىزىملاتقانلارنىڭ  سانى نەچچە  10 مىلىيۇندىن ئېشىپ كېتىشى بۇنىڭ ئەمەلى ئىسپاتى .  
  جوڭگودىكى ئەڭ چوڭ تورسودا سۇپىسى بولغان تاۋباۋ تورىنىلا مىسال قىلىپ ئېيتساق بۇ توردىن سېتىۋالغىلى بولمايدىغان نەرسە قالمىدى دىسەك مۇبالىغە بولماس .
تاۋباۋدىن مال سېتىۋېلىش جەريانىنى تۆۋەندىكى بىر قانچە باسقۇچقا بۆلۈشكە بولىدۇ .
تىزىملىتىش ــــ مال تاللاش ـــــــ مال ساتقۇچى بىلەن ئالاقىلىشىش ــــــــ پۇل تۆلەش ئۇسۇلىنى تاللاش ـــــــــ مال يەتكۈزۈش ئۇسۇلىنى تاللاش ـــــــــ مال كەلگەندىن كىيىن تەكشۈرۈش ــــــــــــــ مال تاپشۇرىۋالغانلىقىنى جەزىملەشتۈرۈش  قاتارلىقلاردىن  ئىبارەت.
توردا دۇكان ئېچىش
توردا دۇكان ئېچىش بىر خىل يېڭى ئۇسلۇپتىكى ئىگىلىك تىكلەش ئۇسۇلى بولۇپ ، ئەنئەنىۋى تىجارەت ئۇسۇلى بىلەن سېلىشتۇرغاندا  توردا دۇكان ئاچقاندا  كېتىدىغان مەبلەغ ئاز ، ئۈنۈمى تىز ، خەتىرى ئاز ، چاققان بولۇشتەك ئالاھىدىلىكلەرگە ئىگە شۇنداقلا جۇغراپىيەلىك رايون چەكلىمىسىنىڭ لىشىگە ئۇچرىمايدۇ . ئەنئەنىۋى ئۇسۇلدا بولدا دەسلەپكى قەدەمدىلا سالىدىغان مەبلەغ كۆپ ، خەتىرى چوڭ ، رايون چەكلىمىسىنڭ چەكلىشىگە ئۇچرايدۇ .
توردا دۇكان ئېچىش ئۈچۈن تاۋباۋنى مىسال قىلىپ ئېيتساق ئالدى بىلەن تاۋباۋدا دۇكان ئاچىدىغان بىر قاتار جەريانلارنى بىلىشىڭىز كېرەك . يەنى : تىزىملىتىش ـــــ سالاھىيەت تەكشۈرۈشتىن ئۆتۈش ـــــ دۇكان ئىلتىماس قىلىش ـــــــ تاۋباۋ قائىدە تۈزۈملىرىدىن ئىمتاھان بېرىش ـــــــــ مال كىرگۈزۈش ــــــــ ئۆز دۇكىنىنى  تەشۋىق قىلىش ــــــــ خېرىدار بىلەن ئالاقە قىلىش ــــــ سېتىشتىن كىيىنكى مۇلازىمەت قاتارلىق جەريانلارنى چۈشىنىشىڭىز كېرەك .   
توردا سېتىلىدىغان ماللارنى مۇنداق ئىككى چوڭ تۈرگە بۆلۈشكە بولىدۇ .
1. ئەمەلىي مال ـ يەنى كىيىم –كېچەك ، ئائىلە ئېلىكتىر ئۈسكۈنىللىرى قاتارلىق ئەمەلىي نەرسىلەرنى كۆرسىتىدۇ .  
2. مەۋھۇم مال ـــ يەنى تور ئارقىلىقلا تىلىفونغا ، تور ئويۇنلىرىغا،چ چ كەسىپلىرىگە پۇل قاچىلاشتەك ئىشلارنى كۆرسىتىدۇ .  
دەسلەپتە سىز تور دۇكىنى ئاچقاندا ئىشنى ئەمەلىي مال سېتىشتىن باشلىشىڭىزمۇ بولىدۇ . ئەمما تور سودىسىغا نىسپەتەن چۈشەنچىڭىز يېتەرلىك ئەمەس ،  تەجرىبىڭىز كەمچىل  ئۇنىڭ ئۈستىگە توردىكى ئىشەنچ دەرىجىڭىز تۆۋەن ئەھۋالدا  قولىڭىزدىكى ماللار ھەر قانچە ئېسىل ، باھاسى تۆۋەن بولسىمۇ ئەمما سېتىپ چىقىرالماسلىقىڭىز مۇمكىن ،  ھەتتا توردا
دۇكان ئېچىشتىن ۋاز كېچىپ ، سىڭگەن نېنىمنى يەي دەپ ئۆز يولىڭىزغا راۋان بولۇشىڭىز مۇمكىن ..........  
دەسلەپتە مەۋھۇم مال ساتسىڭىز مەسلەن : تىلىفونغا پۇل قاچىلاش دىگەندەك كېتىدىغان مەبلەغ ئاز ،خەتىرى يوق ، ئۇنىڭ ئۈستىگە ئىشەنچ دەرىجىڭىز  تىز ئاشىدۇ . تەجرىبىڭىز كۆپىيىپ ، ئىشەنچ دەرىجىڭىز ئېشىپ بەلگىلىك سەۋىيەگە يەتكەندە  قولىڭىزدا بار بولغان ئەمەلىي مەھسۇلاتنى سېتىپ چىقارسىڭىز بولىدۇ .
تاۋباۋدا دۇكان ئاچقانلارنىڭ 70ـ80 پىرسەنتى ئىشنى مەۋھۇم مال سېتىشتىن باشلىغان ........ مەۋھۇم مال سېتىش ــــــ توردا مال سېتىشنىڭ دەسلەپكى ئاساسىي ئۇلى ھېساپلىنىدۇ .
شۇڭا تاۋباۋدا دۇكان ئېچىشنى ئويلىشىۋاتقانلار ياكى ئېچىپ بولغان بولسىمۇ نىمە قىلىشنى بىلەلمەي يۈرگەن دوسلارغا تەكلىپىم : ئىشنى ئالدى بىلەن مەۋھۇم مال سېتىشتىن باشلاڭ . تور سودىسىغا نىسپەتەن چۈشەنچىڭىز ئايدىڭلىشىپ ، تەجرىبىڭىز كۆپىيىپ ، ئىشەنچ دەرىجىڭىز ئېشىپ تور سودىسىنىڭ ئومۇمى يولىنى چۈشىنىۋالغاندىن كىيىن ئاندىن ئەمەلى مال سېتىشقا يۈزلىنىڭ ..... !