كىم جوڭئىل چەتئەلدىكى مەخپىي بايلىقىنى كەنجى ئوغلىغا يۆتكەپ بەردى
شىمالىي كورىيە(چاۋشىيەن) يۇقىرى قاتلام زاتنىڭ كورىيە ئاخبارات ۋاستىلىرىغا ئاشكارلىشىچە،شىمالىي كورىيە رەھبىرى كىم جوڭئىلنىڭ(خەنزۇچە جىن جىڭرى) سالامەتلىكى ياخشى بولمىغاچقا،ئۆزىنىڭ چەتئەللەردىكى مەخپىي بايلىقىنى ۋارىس بولۇش مۇمكىنچىلىكى بولغان كەنجى ئوغلى كىم جوڭئۇنغا يۆتكەپ بېرىشىنى ئۈمۈد قىلغان.
بۇيىل 3-ئايدا،كىم جوڭئىل شىمالىي كورىيەنىڭ شېۋىتسارىيەدە تۇرۇشلۇق ئەلچىسى لىجېنى قايتۇرۇپ كەلگەندىن كېيىن،نۆۋەتتە لىجېنىڭ رەھبەرلىكىدە،كىم جوڭئىلنىڭ چەتئەللەردىكى مەخپىي بايلىقىنى كىم جوڭئۇنغا يۆتكەپ بېرىش خىزمىتى ئىشلىنىۋېتىپتۇ.
تەھلىلچىلەرنىڭ كۆرسىتىشىچە،شىمالىي كورىيەنىڭ ئىقتىسادى قىينچىلىقتا قالغاچقا ھەمدە خەلقئارانىڭ جازالىشىغا ئۇچرىغاچقا،كىم جوڭئىلنىڭ شەخسىي بايلىقى ئۇدا ئازىيىۋېتىپتۇ.
68ياشلىق كىم جوڭئىل2008-يىلى8-ئايدا سەكتە بولۇپ قالغاندىن كېيىن،جامائەتچىلىك27ياشلىق كىم جوڭئۇننى ۋارىس قىلىدىغانلىقىنى خەۋەر قىلىشتى.
ئاخباراتچى زاتنىڭ دېيىشىچە" كىم جوڭئىلنىڭ قېيىن ئىنىسى،دۆلەت مۇداپىئە كومىتىتىنىڭ مۇئاۋىن كومىسسارى چاڭ سۇڭتىك كىم جوڭئۇننىڭ قارىماققا"ھىمايىچىسى"ئىكەن،لىجې بولسا پەردە ئارقىسىدىكى"ھىمايىچىسىئىكەن.كىم جوڭئۇن شۋېتىسارىيەدە ئوقۇغان چېغىدا،ھەر قېتىم سىرتقا چىققاندا لىجې ھەمرا بولىدىكەن.لىجېنىڭ كىم جوڭئۇن بىلەن مۇناسىۋىتى ناھايىتى ياخشى ئىكەن".
خەۋەرلەرنى ئورتاقلاشتۇرماقچى بولسىڭىز مەنبەسىنى ئەسكەرتىپ قۇيۇڭ !
| 
