ۋېنسۇئىلا چېگرىغا ھەربىي ئورۇنلاشتۇرۇش ئېلىپ باردى
ۋېنسۇئىلا پرېزىدېنتى چاۋىس7-ئاينىڭ30-كۈنىدىكى تېلىۋىزىيە نۇتۇقىدا،ۋېنسۇئىلانىڭ كولۇمبىيە بىلەن چېگىرلىنىدىغان رايونغا ھەربىي ئورۇنلاشتۇرۇش ئېلىپ بارغانلىقىنى جاكارلىدى.
چاۋىسنىڭ بىلدۈرىشىچە،ئۇلار تىپتىنچ ئۇسۇلدا سۇ،قۇرۇقلۇق،ھاۋا ئارمىيىلىرىنى ئورۇنلاشتۇرغان،ھەرقانداق ئادەمگە شەپە بەرمىگەن،ئاممىنىمۇ چۆچۈتۈپ قويۇشنى خالىمىغان.چاۋىس ۋېنسۇئىلانىڭ بىخەتەرلىكىنى قوغداش ئۈچۈن،چېگرا رايونغا ئاز دېگەندە 10 تارماق ھەربىي ئورۇنلاشتۇرغانلىقىنى،يۈز بېرىش مۇمكىنچىلىكى بولغان ھەربىي تاجاۋۇزچىلىقنىڭ ئالدىنى ئېلىش ئىكەنلىكىنى ئېيتتى.لېكىن ئۇ ئورۇنلاشتۇرغان ئارمىيىنىڭ كونكرت سانىنى ئېيتمىدى.
چاۋىس تېلىۋىزىيە نۇتىقىدا يەنە كولۇمبىيەنىڭ بىر تىك ئۇچار ئايروپىلانىنىڭ ۋېنسۇئىلا چېگرىسىدىن ئۆتۈپ،غەربىي جەنۇب رايوندا 5 مىنۇت ئۇچقانلىقىغا نارازىلىق بىلدۈردى.
چاۋىس7-ئاينىڭ22-كۈنى كولۇمبىيە بىلەن دېپلوماتىك مۇناسىۋەتنى ئۈزگەنلىكىنى جاكارلىغان شۇكۈنى،چېگرا رايوننىڭ ئەڭ يۇقىرى ھوشيار ھالەتكە كىرگەنلىكىنىمۇ جاكارلىغان ئىدى.
7-ئاينىڭ27-كۈنى،ۋېنسۇئىلادىكى بىر ئاخبارات ۋاستىسى ۋېنسۇئىلا ھۆكۈمىتىنىڭ كولۇمبىيە بىلەن چېگىرلىنىدىغان رايونغا 1000ئەسكەر ئەۋەتكەنلىكىنى خەۋەر قىلغاندا،ۋېنسۇئىلا دۆلەت مۇداپىئە ئارمىيىسى دەرھال ئىنكار قىلغان ئىدى.دۆلەت مۇداپىئە ئارمىيىسى چېگرا رايوننىڭ ھوشيارلىقىنى ھەقىقەتەن كۈچەيتكەنلىكىنى،ئەمما ئەسكەر كۆپەيتمىگەنلىكىنى،چېگرىدىكى ھەممە ئىشلار نورمال ئىكەنلىكىنى ئېيتقان ئىدى.
خەۋەرلەرنى ئورتاقلاشتۇرماقچى بولسىڭىز مەنبەسىنى ئەسكەرتىپ قۇيۇڭ !
| 
